Aody Rasoabakobako (Erick Manana)

(Nalaina tao amin'ny tononkira.serasera.org)
Sahirana mafy tokoa zany foko Rasoabakobako o
Sahirana mafy tsy nilaozan-tsento izy anie tato ho ato
Nihodin-kavia, nihodin-kavanana, doubla sento
Mba toroy lalana ity zandry lahy fa ndrao rendrika eto

Ka aody, ka aody, ka aody, ka aody Rasoabakobako o
Omeo fanafody, vonjeo fa manavy ity foko mikatso
Ka aody, ka aody Rasoabakobako izay mahitahita e
Fa sady miangavy re no mitalaho, ka iza no izy e

I Lisy ka maontina sady olon-tsotra no sarin’anjely
I Vero sariaka no tsara fanahy, manan-toetra modely
Ny mamparikoditra, samy tsy foiko anie izy roa o
Ny iray masoandro, ny iray diavolana, iza no soa o

Ka aody, ka aody, ka aody, ka aody Rasoabakobako o
Omeo fanafody, ity foko mikatso, ity foko mikatso
Ka aody ka aody Rasoabakobako izay mahitahita e
Fa sady miangavy re no mitalaho ka iza no izy e
--------
Rohy:
Hametraka hevitra
Midira aloha
Momba ny hira
Mpihira : Erick Manana
Vangy : 4706
Mpankafy : 0 Ankafizo
Nampiditra : gasikeli
Daty : 13/03/2006 14:21
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0823