O RY TANORA O! (BETTY)

O ry tanora o!, etsy kely anie ianao
Henoy kely izao teny izao
Ry tanora tsy hendry, fa manapatra ditra
Ny rano ao an’ony, izay feno dia feno dia mbola ho ritra
Misy ny sasany amin’ny tanora
Tsy mety miasa fa variana midola
Ny sasany kosa miasa isan’ora
Miadana ery mampiasa ny vola

Fiverenana :
Ny baiboly dia milaza mazava aminao
Hoe mifalia nefa aoka ho fantatrao
Any am-parany any, dia mbola hotsaraina ianao
Ity misy hafatra tsara ho anao, mibebaha dieny izao.

Misy ny sasany kamo dia kamo
Ao ihany koa ireo mpampiditra angano
Ny sasany kosa tsy misy mpifehy
Ka manantena ilay halatra be.
--------