FIARAM-PAMONJENA (Amboaram-Peon'ny Fahazavana (A.P.F))

DO dia C/F/Bb (negro spirituals)
Ry fiangona-maminay, fiara tsara rafitra
Ilay Jesoa sakaizanay, Izy no mandrafitra
Ho azo antoka ny dia, miaraka aminy eny an-dàlana
Ny làlana hombany , feno fiadanana
Satria Jesoa no momba sy mitantanana
Voarafitra ny fiaran’ny famonjena
Mitondra ny vahoaka sesehena
Sy ho famonjena firenena
Fa efa vonona Jesoa, ilay mpitantana ny dia
Koa aza be fangatak’andro, midira matokia

Ny fiangonanao Jesoa, dia maminay hatrany
Fiara tsara voavoatra hampita anay hankany
Eo anatrehan’Andriamanitra
Any an-danitry ny lanitra
Miaraka aminao Jesoa, mpandresy am-boninahitra

Ny fiaram-pamonjena, avotr’aina azonay
Aizim-pito hisava, tsara antoka izahay
Koa fifaliana , rondo-kira
No manako , ety an-dàlana
Fiderana, fihobiana, dia tsy hanam-pitsaharana, satria
Voarafitra ny fiaran’ny famonjena



Tonony : Pasteur Rabevazaha Justin
Feony : Pasteur Rahaingonjanahary Rodolphe
(13/10/87)
--------
Rohy: https://tononkira.serasera.org/hira/amboaram-peonny-fahazavana-a.p.f/fiaram-pamonjena-1
Hametraka hevitra
Midira aloha
Momba ny hira
Mpihira : Amboaram-Peon'ny Fahazavana (A.P.F)
Vangy : 823
Mpankafy : 0 Ankafizo
Nampiditra : Njato5
Daty : 02/05/2019 15:24
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2022 - page load 0.0653