VAVAKA (Amboaram-peo Mi-Ray)

Ry Tompo ô! Mangataka izahay
Ny hitahianao izato fiainanay
Fa fahoriana, fijaliana no iainanay
Ka mila anao hanafaka anay

Isan’andro toa ory lalandava
Miezaka aho ny ho faly ka manoka-bava
Miantso anao, manompo ihany koa
Fa mila vonjy aminao ry Tompo soa

Mangatak’izahay miantso Anao ry Tompo
Fenoy fifaliana re ny fiainanay
Ireo eso latsa fitsapana mitady handoto
Tsy hankivy fa hampiroso sy hampiray

Ireo adalana, fanenjehana mandrava
Ireo ditra mahadomelina izay mangeja
Esory re, ravao  ihany koa
Tsy hasakana ny fanompoana Anao Tsitoha

Ka dia matoky izahay ry Ray
Fa ho vimbininao izato fiainanay
Ka ny asan’ny satana mitady hamingana
Efa resy, efa rava ringana

Mangatak’izahay miantso Anao ry Tompo
Fenoy fifaliana re ny fiainanay
Ireo eso latsa fitsapana mitady handoto
Tsy hankivy fa hampiroso sy hampiray
--------