Ady ny fiainana (Voahangy)

Ho anao izay mijaly
Ho anao mila hamoy fo
Fa ny maraina lazaina ho avy
Toa resaka be avokoa.
Sasatra ianao ny mitady
Mikaroka ny hohanina anio ;
Ireo havana atao mba hanampy
Mandatsa manentsin-tadiny.

Hiraiko ho anao ity hirako ity
Hiraiko mba hamalifaly ;
Hampahery anao fa fiainana ity
Nateraka isika hijaly.

Na izaho koa aza anie mazàna
Manome tsiny indraindray :
Mizaha tavan’olona angamba
Fa toa miangatra mihitsy ilay Ray.
F’izay rehetra atao mba ho mety,
Tsy misy manjary avokoa !
Misaina anefa aho vetivety
Hay ady ny fiainana moa.

Sao mihevitra ianao fa ity fiainana ity
Natao fanomezana ho anao !
Voaozona isika matoa tonga ety
Hiady no anjaranao.

Na izaho ko aza anie mazana
...
Hay ady ny fiainana moa.

Fa ny adim-piainana rahoviana no
Ho foana tsy hisy izy ireny
Nefa aza kivy, atrakao ny loha
Tohero fa sao horeseny.
--------