Ilay namanao (Rebika)

Voaraiko ihany ny hafatra entin’ity namanao
Asa aloha raha tonga lafatra
F’indraindray hono tsy hitany ianao
Izy fahita matetika
Miresaka tsara tokoa
Tsikaritro teny ny tetika, efa nampoizina moa
Hay sitrany ny ho tompon-toerana
Fa nataony an-kolaka aloha.

Ref :
Na fihetsika na ny fiteniny
Matetika efa tsy voafehiny
Ny seza no hetsiketsehiny
Ny vatany aza mibolisatra
F’izaho no mihisatra
Ny foko no saika nikitoatoa
Ny saiko mandinika aloha

Izy tsy omena tsiny, ny fo anie be ny iriny
Nibaboka izy fa resy, somary mba diso adiresy
Tsy haiko hozaraina intsony, fa sao lahy
Maratra ny fony.

Malala o! toaviko hatrany
Fitiavanao tsy lany mamy
Mibosesika any an-tratrako any
F’aleo iny hangina fotsiny
Dia aza mba sarotiny
Ny tsara anie hono tsy ho lany
F’ianao hafa ihany.
--------