HAFALIANA HO AHY (Laurent RAKOTOMAMONJY)

HAFALIANA HO AHY

Hafaliana ho ahy ny hanonona ny antsonao androany
Raisiko ho hafaliana izany fa mamiko sy teliko
Hafaliana ho ahy ny hanaiky mba ho irakao
Hitondra izay rehetra mety ho hafatrao
Fantatro miharihary fa tsy mandà tokoa Ianao
Tsapako mibaribary ny mbola fitiavanao
Ry Tompo ny famelanao ny heloko
No ahitako izany rehetra izany

Hafaliana ho ahy koa ny mahafantatra eto anio
Fa Ianao ilay nohomboana sy maty noho ny heloko
Tena hafaliana ho ahy ny hitoetra ho mandrakizay
Ny hanolotra izay ahy rehetra tokony ho Anao
Fantatro miharihary fa tsy mandà tokoa Ianao
Tsapako mibaribary ny mbola fitiavanao
Ry Tompo ny famelanao ny heloko
No ahitako izany rehetra izany

Angamba mihoatra lavitra noho ny hafaliako rehetra
Ny fandrenesako ny teny milaza toky mamy hoe
Atolotrao hitoerako raha tonga izay hialako ety
Ny lanitra ho lovako ka ho fonenako

Fantatro miharihary fa tsy mandà tokoa Ianao
Tsapako mibaribary ny mbola fitiavanao
Ry Tompo ny famelanao ny heloko
No ahitako izany rehetra izany (bis)
--------