RAOZY MAVOKELY (Ny Voninavoko)

Anankiray monja ’ty voninkazo ity
ka iza no omeko azy e, raozy mavokely
Omeko an’i Fanja tsy manana i Sahondra,
Omeko an’i Farasoa e e! tsy manana i Rahely
Aleo apetrako eto, eto an-tratrako eto
Fa eo angamba no mba vazy e e tena tsara ho azy

Izy io dia tsy amidy fa olona voafidy
Iray fa tsy mba roa, tolorana ny soa
Izy io dia tsy zaraina fa an’olona lalaina
Angamba mbola tsy eo, matoa tsy mbola hitanao an

Fa iza amin’ireo anankitelo ireo
No hotolorako azy io e e mampisalasala
I Fanja dia sariaka Sahondra dia manaitra
I Farasoa tsara bika e e mahalasadala
Jerena i Rahely miendrika anjely
ka sahirana ny maso ô ô valaka ny saina

Iray ’ty voninkazo ka iza no tsy ahazo
aleo tsy ho lazaiko ny miangatra tsy haiko
Fa any aoriana any dia mbola ho hita ihany
’Lay olona voafidy ka hanapaka sy haniry

Izay mahazo an’io izao no tadididio
Fa izy ity dia voninkazo e e tsy ela dia halazo
Halazo sy ho maina kanefa sombiniaina
’Lay voninkazo kely ihany e e maina toy izany
Izao no fantaro f’izaho dia mahatsiaro
Fa hany volana any taona e e mety mbola hihaona

Izay andro izay no hitondrako indray
’lay raozy vaovao hatolotro anao
Izay no fikasana no sady filazana
Ka dia miomana fa ho avy ny korana

Raha sendra ka hitanao ’lay lolo mpikaretsaka (iô, iô, iô, ô, ô, ô....)
Raha sendra ka mbola ao manadala raozy betsaka (X2)(iô, iô, iô, ô, ô, ô....)
Mivilivily ary fa tsy tiako
Raha sendra ka hitanao ’lay tantely mpiasa (iô, iô, iô, ô, ô, ô....)
Raha sendra ka mbola ao fa mbola tsy lasa (X2) (iô, iô, iô, ô, ô, ô....)
Miolokolona aty mba ho namana

Sendra ka hitanao ’lay lolo ...

Mivilivily ary fa tsy tiako !
--------