TSIRIRY ROA (Ny Voninavoko)

(Nalaina tao amin'ny tononkira.serasera.org)
Tsiriry ahitra hono e, tsiriry vorona
Sahala fitonona mantsy fa samy hafa fomba (X2)

Tsiriry vorona hono e dia manan’elatra
Ka tsy mba mitoetra tsy akory e, fa manidy trano dia lasa.
Fa ny tsiriry ahitra hono e, mandatsa-paka
Ka na dia mivadika aza ny bainga mitsiry eo ihany.

Tsiriry ahitra ni’aho e fa tsy mba tsiriry vorona
Ka tsy mba mankaiza tsy akory e, fa eto an-tany ihany (X2)

Ataovy tsiriry ahitra lahy ny fihavanana
Ka na dia somparana aza tsy mba madilana

Ny lamba sy akanjo aza hono zareo voahidy ao am-bata
Maika fa ny fihavanana roy e, mba hidio ao anaty

Tsiriry ahitra ni’aho e fa tsy mba tsiriry vorona
Tsy ho aiza tsy akory ry lahy fa efa miorina

Ataovy tsiriry ahitra lahy ny fihavanana
Ka na dia somparana aza tsy mba madilana

Ny lamba sy akanjo aza hono zareo voahidy ao am-bata
Maika fa ny fihavanana roy e, mba hidio ao anaty

Tsiriry ahitra ni’aho e fa tsy mba tsiriry vorona
Tsy ho aiza tsy akory ry lahy fa efa miorina. (X3)
--------
Rohy:
Hametraka hevitra
Midira aloha
Momba ny hira
Mpihira : Ny Voninavoko
Vangy : 10031
Mpankafy : 2 Ankafizo
Nampiditra : istraky
Daty : 14/03/2008 14:34
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0747