Manja (Ny Voninavoko)

1. Maro hifidianana tsy hita tanisaina
Ny lolo lohantaona ery anaty zaridaina
Mahavalalanina raha ho tantaraina
Mihaingo sy mirenty re tsy hita izay ho alaina

Misosa mianavaratra misosa mianatsimo
Tsy mahalala sasatra fa dia mirimorimo
Ny raozy sy ny pika re tsy misy izay adino
Orohana daholo ka sarotra ny mino

Ref: Manja e, manja e, manja e
Orohana ny pika aloha fa manja e
Enjehina ny raozy aloha fa manja e
Tetezina ao an-kianja
Na Felana na Fanja

Indreny fa mihaingo sy mirenty e
Isan'andro izao dia andro fety e
Ny avo sy ny iva dia voatety e
Lolo anie aho ka lolo
Miovaova volo
Masoko efa folo
Avia aty daholo

2. Mba haraho maso anie ny lolom-boasary
Miravaka hazambina hoy aho ka mahate haka sary
Kanefa ny fihetsiny dia tsy zarizary
Fitahiny ny lisy sy ny felan-drambiary

Ny lolo amberivatry dia mitafy lamba mavo
Lalovany ny ahitra ka faly sady ravo
Omeny toky koa re ny fanjan'ny voatavo
Fa ny tena tiany dia voninkazo avo

Ref: Manja e, manja e, manja e
Orohana ny pika aloha fa manja e
Enjehina ny raozy aloha fa manja e
Tetezina ao an-kianja
Na Felana na Fanja

Indreny fa mihaingo sy mirenty e
Isan'andro izao dia andro fety e
Ny avo sy ny iva dia voatety e
Lolo anie aho ka lolo
Miovaova volo
Masoko efa folo
Avia aty daholo


3. Misy mangamanga ka misoratra volory
Anefa anie ny hajany tsy fantany akory
Ny vonim-paiso kely dia omeny sorisory
Kopahiny hihintsana ka tsy afaka mivory

Ny lolo lohantaona dia mivolom-bolamena
Fantatra avy hatrany hoy aho fa tsy manaja tena
Mamangy telomiova sy ny songosongo mena
Kinanjo dia nafohy fa mitsetsitra tangena

Ref: Manja e, manja e, manja e
Orohana ny pika aloha fa manja e
Enjehina ny raozy aloha fa manja e
Tetezina ao an-kianja
Na Felana na Fanja

Indreny fa mihaingo sy mirenty e
Isan'andro izao dia andro fety e
Ny avo sy ny iva dia voatety e
Lolo anie aho ka lolo
Miovaova volo
Masoko efa folo
Avia aty daholo
--------