FOTOANA HIFANDAOZANA (Salomon)

Hifandao izaho sy ianao tsy ho doria
Fomban-tany ihany izany satria
Misy ny fotoana izay tsy maintsy isarahana
Ka aza atao mahakivy fa ombay fivavahana
Eny misy ny alahelo rehefa tsy mifankahita
Nefa tano tsy hirona irony dina efa vita

Raha sendra misy embonembona miserana
Mila tsy hampahita tory dia aza arahana fitserana
Fa kaloy moramora ilay hirahirantsika
Mba hanako eny an-danitra hoentin-drivotra miampita

Am’izay fotoana izay, izaho sy ianao
Ampionona mangina ny ao am-po ao
Ka ny vetsontsika hifamihina mangina
Eny anivon-danitra eny ka ho tojo fifaliana
Raha (Eny) ho avy  ny fotoana mbola hihaonantsika indray
Ka lay hiran-karavoana no ventesina amin’izany

Raha sendra misy ...

Tonony sy feony: Romule Rabarivola
Arrangement: Harry
Mpihira: Salomon sy Olga
--------