Tsy fitia (Rija Ramanantoanina)

Tsy fitia tena fitia no niaretantsika mahamay
Fa sandoka, sarisary, aloka.
Tsy fitia tena fitia fa endrika mamitaka ny fo ‘zay mody tia
No nanintona ahy ho anao
Haravona mora lo,
Hafaliana efa tonta no nameno fo,
Dia voafitaka tokoa
Ka niroboka vao sempotra

Tsy fitia tena fitia no niaretantsika mahamay
Fa sandoka, sarisary, aloka.
Tsy fitia tena fitia fa endrika mamitaka ny fo ‘zay mody tia
No nanintona ahy ho anao
Haravona mora lo,
Hafaliana efa tonta no nameno fo,
Efa firifiry koa
Ranomaso sisa namana manaiky ny hiara-dàlana amiko,
Hadisoana tsotra izao
Niarahana natao, mankalao

Fa ny nofy efa nandà tsy nety hanaraka vetsovetsontsika roa
Efa fantany mialoha ;
Tsy mba vitsivitsy koa ny bitsiky ny alina
Efa mila hankaleo,
Nefa marina ireo,
Fa raha azo no mandà,
Tsy hanjary ho fanaka,
Dia aleo fongorina
Na raha toa tsy hanome
Izay tokony omena dia efa anisan’ireo zava-mora lo
Hadisoana tsotra izao
Niarahana natao, mankalao

Fa raha azo no mandà,
Tsy hanjary ho fanaka,
Dia aleo fongorina
Na raha toa tsy hanome
Izay tokony omena dia efa anisan’ireo zava-mora lo
Efa leo ny hoe tianao aho,
Tsotra ny azo atao
Tsy nanatsoina ho ahy ianao
Hadisoana tsotra izao
Niarahana natao, mankalao
--------