Hira ho anao (Rija Ramanantoanina)

Nangoniko ny hira, hamerina aminao
Ireo teny mamy kanto, nambarako taloha
Indramiko ny hira
Hamerina indray ireo ora mamy, niainantsika.
Na lavitra tsy hita; na eto na any am-pita…
Ianao dia hira kanto, hifahatsiarovantsika.
Mandrotsirotsy ny alina, namako maraina
Tsy foiko ny hariva ny hira.

Hiran’ny fo no namoha ilay fitia
Saika natory tsy re !
Tokin’ny namana tsy misara-dia
Tokin’ny tsiky sy hehy.
Eny ! hihira aho, ho anao sy ho ahy koa
Hiombonantsika ao am-po
Eny ! ny hira no mbola hisaorako,
Ny hira iray tsy mba roa.

Natoniko ny hira, hanakarako ny saiko
Hamaly ny tsy nety, tsy tsara vitanao…
Indramiko ny hira, hamerina indray
‘lay fiainana nadio fy taloha
nafarako an-kira izao tontolo izao
mba hikalo toa anao
hidifiana ady maro,
lazaiko ny tontolo, mba hira no asolo,
ny fatotry ny mbola voafehy…..

Amin’izany hasambarana indray
Tontolon-tsiky no ety !!
Tontolo iray saika lo no tafaray
Hiaraka hiangaly fitia.

Eny hihira aho ho anao sy ho ahy koa.
Hiombonantsika ao am-po
Eny hira no mbola hisaorako
Ny hira iray tsy mba roa.
--------