Tamin'izay andro izay (Olombelo Ricky)

Nohiraiko mangina ireo lasan’omaly
Nantsoiko tamin’ny hira izy
Tsy nety namaly
Fa na rahoviana omaly sy androany
Mba tiako hojijina hatrany aminao hatrany aminao any eee. Nefa anie....

Tamin’izay andro izay e
Tsy tadidiko ho’aho ny daty
Fa nodoranao izay vita
Toa lasa sorona dia maty

Tamin’izay andro izay ho a,
Tsy tsaroako fa nisy
Nisy teny tena izy e
Lasa antsa lasa jijy

Tamin’izay fotoana izay e
Nisy izay tia ry olon-tiako hozizy ianao
Nisy izay tadiavinao
Nefa izaho nitotototo ô
Mbola nameno ny tsy feno ô
Ka raha tendrenao tsy maneno ô(2)

Izy ity efa hira henonao tany
Fitia vita dina mamafa tomany
Misy teny efa tena tadidinao ihany
Ka nomenao ny hafa anefa vazo mitovy any
Ny sento aza fafany...

Tamin’izay nofy izay e
Nisy hafatra tsy nety tonga e!
’Lay fonao fefy mafonja e!
Ranomaso be manonjanonja
Tsy nisy lakana nitondra e

Dia tamin’izay fotoana izay ho a!
Toa tsaroako fa nisy
Nisy sento rehefa dify e
Dify ianao nitondra diso ô

Dia tamin’izay fotoana izay ho a!
Tamin’izay nofy izay e!
Misy ’zay tia ry olon-tiako hozizy ianao
Misy izay tadiavinao
Dify ianao nitondra diso
Mangamangana ny ampitso ô ô!

Olombelo Ricky.2006
--------