Fitsapana (RABERANTO)

Variana am-pitadiavana
Tsy mahatsiaro ny Mpitahy
Voafingana am-pandehanana aho
Eo vao lasa ny ahiahy, ny ahiahy

Fonenako tranonkala
Mihorona hariva, rava, rava maraina
Zanako botrabotra
Nefa sakafom-borondolo no haniny
Ny alina miantoka ny antoandro
Indraindray mandry fotsy,
Hay mbola misy ny Mpitahy

Izao vao tsapako ny eto an-tany
Zavatra atao fitsapana
Mijaly vao mahita hohanina
Dia mivarina an-kady matetika fanina
Izay vao miantso ny Tompo

Variana am-pitadiavana
Tsy mahatsiaro ny Mpitahy
Voafingana am-pandehanana aho
Eo vao lasa ny ahiahy.
--------