Momba ny toaka. (Ifanihy)

Jijio kely razandrilahy e, jijio kely e,
Ny inona izay e? momba ny toaka e.

Eeee iaaaa, momba ny toaka e.
Hotsarovantsika eto ingahy Rasera,
Zoky tranainy sakaizam-bera,
Fa fatra-mpigaka tsisy misy lera,
Ka tsy mba mifidifidy kolera,
Ao na ny rôma na ny labiera,
Na ny ranomboalobok’i ry mompera,
Fa vonona foana izy mon frera,
Fa tsy miala any am-paosiny any ilay vera.

Jijio kely razandrilahy e, jijio kely e,
Ny inona izay e? momba ny toaka e.

Eeee iaaaa, momba ny toaka e.
Rasera zalahy dia olona tsara,
Fa tsy mba mitaditady bagara,
Rehefa mamo izy tamin’ny bar a,
Dia mody mamonjy ny farafara,
Fa zany izy matory taratara,
Fa mbola mitendry gitara,
Raha kotsan-dranomaso ny mosoara,
Mahatsiaro ny lasa zary tantara.

Jijio kely razandrilahy e, jijio kely e,
Ny inona izay e? momba ny toaka e.
--------