Alim-pahavaratra (Jérôme Randria)

Safotry ny orana ny tany
Ny kotroka miraona sesilany
Ny mafy fototrano, tsara koa ny tafo, mandry toa voarotsirotsy
Fa misy tebiteby any ho any
Manahy, malahelo, mitomany
Mirongatra ny angano, vonton-drano ny afo, torimaso mihafotsy

Fa mafy ny miandry fitsaharana
Amin'ny alim-pahavaratra
Na hiantsoantso aza ianao
Toa tsisy n'iza n'iza handre
Alina, alim-pahavaratra

Mahery indraindray ny ankaso
Matetika toa lavo ianao
Ny hozatra, ny nofo, vonona hiady, ny ady moa rahoviana no ho lany
Izay zatra mitomany no ho faly
Ny miady tsy mba kivy no handresy
Ny alina dia misy tsy mahatafandry mandry, toy ny alim-pahavaratra

Fa mafy ny miandry fitsaharana
Amin'ny alim-pahavaratra
Na hiantsoantso aza ianao
Toa tsisy n'iza n'iza handre
Alina, alim-pahavaratra
--------