NANDONDONA (Vonjy)

1. Reko nandondona Ianao
Efa niandry ela tao
Saingy dia naleoko hoe samy amin’izao
Tonga mba hihavana hampiseho fitiavana
Izaho angaha tsy mana-namana

Eo ireo Ray amandreniko
Eo ireo rehetra iray tampo
’Reo sakaizako izay ianteherako
Toa ampy ahy ireo, ampy tsy hampitoreo
Sao Ianao indray no hanelingelina eo
Toa ampy ahy ireo, ampy tsy hampitoreo
Sao Ianao indray no hanelingelina eo

2. Saingy nofinofy ihany fa hay raha mbola eto an-tany
Tsy azo ianteherana raha izany
Ao ny fahafatesana, ny fisarahan-toerana
Ny toky fitaka tsy ferana

Teo vao tena tsapako, nanenenako avokoa
Izay rehetra efa vita teo aloha
He ity izaho namita-tena
Toa mahantra mahonena
Nanana aho taloha fa lasa mosarena
He ity izaho namita-tena
Toa mahantra mahonena
Nanana aho taloha fa lasa mosarena

Reko nandondona Ianao
Efa niandry ela tao
Mandrosoa aty am-poko izao

(FEON-KIRA)

Tafatoetra eto Aminao, ny fiainako izao
Velon-kira fifaliana vaovao
Na handao niserana, ireo sakaiza sy havana
Ianao Jesoa no fanaperana
Na handao niserana, ireo sakaiza sy havana
Ianao Jesoa no fanaperana
--------