VERY MAINA (Vola sy Noro)

Very maina, ô! very maina
Ireo adin-tsaina izay nantenaina
Hampody aina ilay fitia
Very maina, ô! very maina
Izaho mangaina nandresy ireo hery tsy tia

Marina aloha fa nisy hadisoako maro
Poizina ratsy tonga nifangaroharo
Tamin’ilay fitiavana izay fantatrao
Fa tsy nitempo raha tsy ho anao

Marina aloha fa nitratrevatreva aho
Raha sendra mba diso kely iny ianao
’Reo endrikendrika hoe mety ho fitiavanao
Nadikako avy hatrany hoe fitiavana

Very maina ...

Tsaroako indray ilay andro iray izay nivoadiana
Fa n’inon’inona hitranga hiafiana
Teo anatrehan’ilay Avo izay Nahary
Kanjo izao vao ditsoka ary

Nandefitra aho indraindray, ianao koa
Izao no anjara angamba ka ho aiza moa
Mody ny lahatra no hoe omena tsiny
Nefa ny tena no efa tsy tiany

Ity tiana, ilay natao ho tanjona
Lasa nirintona nandao ny afonao
Saika hifonako hiverina kanefa
Efa tsy tiany aho matoa nilefa

Very maina ...

Tonony sy Feony: Paul Dason
Fandrindràna: Harry
Piano: Mbola
Orgue: Harry
Basse: Jacques
Batterie: Lalaina
--------