VAVAKA ASANDRATRAY (TA.KRI.VA (Tanora Kristiana Vavolombelona))

1-O! mba henoy ry Tompo o!
    Ny vavakay asandratray
    Fa efa trotraka sy laho
    Ka dia mila anao ry Ray
    Ny firenena Tompo o! jereo
    Fa mihasimba be tokoa
    Feno haratsiana mila hankaleo
    Toa tsy mampandry saina koa
    Ireo mpitondra toa lany andro
    Mifanenjika etsy sy eroa
    Ireo vahoaka no mizaka fahoriana
    Mavesatra tokoa (Tompo o!)

ref: Ka ho aiza moa izao no aleha raha tsy ao ao aminao
       No itondranay ny entanay zay mavesatra
       Tompo o! ianao no antenainay hanamaivana
       Hitondra hery sy fanavotana ho anay    

2-O! mba valio ry Tompo o!
   Ny fangatahanay anio
   Ka mba vonjeo ireo mahantra
   Difotry ny fahoriana
   Olon’izao tahaka anay
   Fako no hany fihinany
   Tsy manan-trano handriana
   Fa an-dalan’eny no mikodia
   Ny zazavavy mivarilavo
   Mivarotena ny alina
   Ny zazalahy manimba tena
   Amin’ny fidoroana sy fisotroana (Tompo o!)  
--------