Anirotra (Rebika)

Dongon-tany iva no sisa tavela
amantarako ilay fasan’i Dada
Tsy navadika efa ela

I Dada irery no tao hatrizay
Maty an’ady mantsy ka an’irotra
Matoria mandrakizay

Ao mantsy i Dada
tototry ny vovon-tany
ny tenany angamba efa rava
Dada o onena onena anao aho

Fa nofo efa rava
niverina ho tany
aina efa resy ny fo no tomany
nefa mbola idadako ihany

Mba sainiko foana indray andro any
hitady toeran-kafa mba tsaratsara
hamindrako an’i dada

Ratsan-kazo misampana
no hazofijalian’i Dada
vovon-tany mivantana
tsy mba nofonosina
--------