Vol 2. SETRIN'NY FITIA (Ny Antsa Fitiavana)

Reférence :
« Raha amin’izao fiainana izao ihany no anantenantsika an’i Kristy, dia mahantra indrindra noho ny olona rehetra isika. » (1 Korintiana 15:19)
    
-------------------------------------------------------------------

1. Hatraiza Jesoa izao fahoriako izao
Hatraiza no mbola hizakàko izao fijaliana izao
Fa mavesatra toa tsy ho tantiko
Valio re fa mila hampamoy fo

2. Ireo namako mikoràna avokoa
Ny hafa tazaniko indray toa feno zavatsoa
Tsy mba misy ahiana amin’ny fiainana
Na dia tsy miaraka Aminao

AMPIO AHO JESOA MBA HANOA NY FITONDRANAO
OMEO HERY MBA AHAZAKAKO IZAO
NA MAFY AZA DIA TSY HANDAO ANAO
HIBANJINA HATRANY ILAY FIAINANA MANDRAKIZAY
AMPAHATSIAROVY FA MAHANTRA INDRINDRA AHO
RAHA ETO IHANY NO ILAKO ANAO


3. Tsaroako ny taloha, hafaliana sy lalao
Nantenaiko ho soa noho izany ny miaraka Aminao
Hay enjika sy fankahalàna koa
No setrin’ny Fitia nafafiko

AMPIO AHO JESOA MBA HANOA NY FITONDRANAO
OMEO HERY MBA AHAZAKAKO IZAO
NA MAFY AZA DIA TSY HANDAO ANAO
HIBANJINA HATRANY ILAY FIAINANA MANDRAKIZAY
AMPAHATSIAROVY FA MAHANTRA INDRINDRA AHO
RAHA ETO IHANY NO ILAKO ANAO

Fa rahatrizay mbola hifaly aho
Rehefa tonga eo anilanao.



Tonony sy Feony : RAKOTONANAHARY Fanomezantsoa Haritiana
(JONA 2004)
--------