Vol1. IRIKO INDRINDRA (Ny Antsa Fitiavana)

Reférence :
« Iza no hahasaraka antsika amin’ny fitiavan’i Kristy? Fahoriana va, sa fahantrana, sa fanenjehana, sa mosary, sa fitanjahana, sa loza, sa sabatra?;

… na ny ambony, na ny ambany, na inona na inona amin’izao zavatra ary rehetra izao, dia tsy hahasaraka antsika amin’ny fitiavan’Andriamanitra izay ao amin’i Kristy Jesosy Tompontsika. »
(Romana 8: 35 ; 39)

« Fa Hianao no fanantenako, Jehovah Tompo ô, ry tokiko hatry ny fony aho mbola tanora. »
(Salamo 71:5)

--------------------------------------------------------------------

1. Tompo ô, tsaroako anio
Ireny lasako, sy ny ditrako
Nahavaky fo Anao
Rehefa nifonako
Dia nodiovinao toy ny tsy nisy ireo

2. Tompo, resy lahatra aho
Ny Fitiavanao no antoka iainako
Nomenao ahy ny lanitra
Ka navelanao mbola hiaraka handova Aminao

IRIKO INDRINDRA TSY HISARAKA AMINAO
NY FITIAVANAO, TSY HIALA AMIKO
HO AHY MANDRAKIZAY
MBA HO AMINAO NO AMETRAHAKO NY FO
HO FANANTENAKO
SY HO TOKIKO HIANAO JESOA

3. Ireo ratsy marobe
Mbola hamotraka ahy hiala Aminao
Mety ho solafaka
Tsy hahatsiaro Anao
Ho variana indray amin’izao rendrarendra izao

Iriko indrindra tsy hisaraka Aminao
Ny fitiavanao, tsy hiala amiko
Ho ahy mandrakizay
Mba ho aminao no ametrahako ny fo
Ho fanantenako
Sy ho tokiko Hianao Jesoa


Tonony sy feony : RAKOTONANAHARY Haritiana
2003
--------