Vol1. FANTATRAO (Ny Antsa Fitiavana)

Reférence :
« Jehovah ô, efa nandinika ahy Hianao ka mahalala ahy ;
Hianao no mahalala ny fipetrako sy ny fitsangako Sady mahafantatra ny hevitro eny lavitra eny ;
Voadinikao ny tœtro, na mandeha aho, na mandry; Ary fantatrao tsara ny alehako rehetra.
Fa, indro, tsy misy teny tsy fantatrao eo amin’ny lelako, Jehovah ô. »
(Salamo 139:1-4)

---------------------------------------------------------------------

1. Jesosy ô ! eto anatrehanao
No amborahako ‘zao adin-tsaiko izao
Mavesatra amiko, tsy toy ny teo aloha
Hatramin’ny fotoana nanekeko fa hanoa

2. Jesosy ô! Nambara tamiko
Tsy mendrika Anao ny fo sy toetrako
Fa mbola mankahala aho, maditra ihany koa
Toa mifanohitra amin’ny Anaranao izay entiko

IANAO IRERY TOMPO O! NO MAHALALA AHY
HITANAO AVOKOA NY ALEHAKO
FANTATRAO TSY MISY MIAFINA IZAY VITAKO HATRIZAY
JESOSY O! METEZA HIHAINO AHY

HITANAO FA MBOLA KELY AHO, OSA NY FANAHY
NA MIKASA SY MIBEBAKA AZA IZAO
MBOLA METY HANADINO KA HO LAVO INDRAINDRAY
JESOSY O! METEZA HITANTANA AHY

3. Jesôsy ô! Indraindray anie fantatro
Fa tsy mba sitrakao izay saintsainiko
Kanefa dia niniako, tanterako avokoa
Saingy anenenako ireny, tsy nahitako soa

4. Jesôsy ô! Ifonako Aminao
Raha noho ny amiko, ny fitondrantenako
No handavan’ny olona tsy handray Ilay Fitiavanao
Sy hanaovan’ireo tsinontsinona ny Anaranao

Tonony sy feony : RAKOTONANAHARY Haritiana
2003
--------
Rohy: https://tononkira.serasera.org/hira/ny-antsa-fitiavana/vol1-fantatrao
Hametraka hevitra
Midira aloha
Momba ny hira
Mpihira : Ny Antsa Fitiavana
Vangy : 1897
Mpankafy : 0 Ankafizo
Nampiditra : malilatiana
Daty : 31/03/2009 16:00
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2022 - page load 0.0738