Vol1. ISAORY AZY (Ny Antsa Fitiavana)

Reférence :
« Misaora amin’ny zavatra rehetra;
fa izany no sitrapon’Andriamanitra ao amin’i Kristy Jesosy ho anareo. »
(1 Tesaloniana 5:18)
---------------------------------------------------------------

1. Fantatrao moa ? Raha mahatsiaro ho irery ianao
Na tsy mety izay atao, Ireo dia noho ny helokao
Ibebaho ny ota vitanao,
K’andeha hizotra indray amin’ny lalam-baovao

2. Taomy koa ny hafa Izay tsy mbola nahalala
Na ‘reo ‘zay misalasala, mba hiaraka aminao
Lazao azy fa mahery Jesoa
Satria izay mahagaga efa nataony avokoa

Ô DERAO ILAY MPANAO IZAO REHETRA IZAO
N’AIZA MISY ANAO LAZAO NY HERINY
AMBARAO IZAO TONTOLO IZAO :
“RAHA SENDRA FAHORIANA IANAO, NA TOJO FIFALIANA
‘ZAY REHETRA IAINANAO, ISAORY AZY”

Ô DERAO ILAY MPANAO ANAO
N’AIZA MISY ANAO LAZAO NY HERINY
AMBARAO HO REN’IZAO TONTOLO IZAO
FA : “RAHA ORY IANAO, NA KOA FALY IZAO
‘ZAY REHETRA IAINANAO, ISAORY AZY”



3. Tadidionao, Fitiavana no angataho
Iombonana ho iray toy ny mpirahalahy
Fa izany no ahafantaran’ny olona
Fa mpianany ianareo raha toa ka mifankatia

4. Tandrovy koa ny fitondran-tenanao
Kendreo ho mendrika, madio sy marina
Dia torio f’izay mino an’I Kristy
No hahazo sy handray ny Aina mandrakizay

Ô DERAO ILAY MPANAO ANAO…
… ‘ZAY REHETRA IAINANAO, ISAORY AZY”

Fa efa Azy ianao k’aza mandà ny heriny
Meteza hohavaoziny ho fotsy sy madio
Hanompo, hankatoa, hanetry tena koa
F’izay manaiky izany no hahazo Aina vaovao


Tonony sy feony : RAKOTONANAHARY Haritiana
1998
--------
Rohy: https://tononkira.serasera.org/hira/ny-antsa-fitiavana/vol1-isaory-azy
Hametraka hevitra
Midira aloha
Momba ny hira
Mpihira : Ny Antsa Fitiavana
Vangy : 1848
Mpankafy : 0 Ankafizo
Nampiditra : malilatiana
Daty : 31/03/2009 15:57
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2022 - page load 0.066