NIOVA IANAO (Tselatra)

NIOVA IANAO

Niova ianao tsy toy ny taloha
Niova lasa nila ady foana amiko
Satrinao isan’andro izao
Manao tarehy ratsy hatahorako anao
Raha tapaka aho tsy fantatrao
Fananana ihany no nampitsiky ny endrikao
Marary ny fo miasa mafy ny loha
Mikatsaka izay hahasoa anao tokoa

Isan-kalina izao aho é !
Manonofy anao
Mivadika horera mitazona tsy mamela
Ho any amin’ny "enfer"


Niova ianao tsy toy ny fahiny
Lasa be fikafika ankehitriny
Sahinao isan’andro izao
Manao tarehy vinitra andosirako anao
Fananam-be anaty vata é !
Manitikitika ny ati-dohanao re !
Niova ianao à ! tsy toy ny taloha
Niova be politika ve tokoa

Isan-kalina izao aho é !
Manonofy mahita anao
Mivadika horera misintona tsy mamela
Hitsingidina handeha hianjera


Niova ianao tsy toy ny taloha
Niova lasa nila gidra foana amiko
Satrinao isan’andro izao
Manao tarehy ratsy andosirako anao
Raha tapaka aho tsy fantatrao
Dollar ihany no mampitsiky ny endrikao
Marary ny fo miasa mafy ny loha
Mikatsaka ny hisondrotra miaraka aminao


tselatra

RAMANANARIVO Andry Eric
--------