Ekeo (Tafiky ny famonjena Ambatolampy (TA.FA))

1)- Namako ô! nahoana no hitanondrika,
raha miatrika ady manafiotra ianao?
tsy tsaroanao angaha fa nisy izay niaritra,
nandatsaka ny Ainy ho avotrao!!

Tsy misy momba anao izay tsy hitany,
ny fiaretanao eo anatrehany,
tsy hoe mitazam-potsiny Izy sanatria,
fa tiany zahan-toetra mihitsy ianao

réf: Ekeo ho fanamboarana anao izay miseho,
fa Izy mahay manokatra ny lalanao!
ankasitrao ny anio na dia hoe "toreo",
fa mari-pitiavany izao.

2)- halaviro ny famoizam-po ka mijoroa!
Matokia fa Jeso momba anao;
Mahereza, aza kivy , hatrakao ny loha,
f'hataony ho mpandresy foana ianao!!

io olana mambabo mampisento io,
tsy ho hitanao intsony fa handao tokoa,
Koa mahereza, miorena mafy ianao,
antenao tsara Ilay Mpamonjy soa

A/C : eddy Ramaroson (ta.fa 2019)
--------