Zovy moa ianao (Romule)

(Nalaina tao amin'ny tononkira.serasera.org)
ZOVY MOA IANAO

Zovy loatra moa ianao ry olon’iny izay miserana?
Fa ny endrikao tsy afaka ao an-tsaiko ao
Izany bikanao nofisiko alin-dava izao
Zavozavo ihany anefa
No nahitako anao niserana iny
Ka ny vetsom-poko no misolo tena ahy
Manontany hoe: moa zovy moa ianao?

Raha ny momba ahy anefa
Mbola tsy azonao fantarina
Raha tsy ohatra angaha ka efa
Nolazaiko anao ny marina

Raha izany ary moa nahoana
No dia mbola iandrasana fotoana
Manontany isan’andro izao
Mba zovy loatra zovy moa ianao

Raha toa ka tsy ho tsiny / Ambarao re ry olon’iny
Manontany anao ny foko ka aoka ho valiana
Ianao ve ilay nofisiko mangina
Sasa-miandry anao foana
Nefa ianao tsy hita manoloana
Satriko tokoa ny hiara-dalana aminao
Ka valio mba zovy moa ianao

Romule (1964)
--------
Rohy: https://tononkira.serasera.org/hira/romule/zovy-moa-ianao
Hametraka hevitra
Midira aloha
Momba ny hira
Mpihira : Romule
Vangy : 3205
Mpankafy : 0 Ankafizo
Nampiditra :
Daty : 25/11/2006 20:33
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2022 - page load 0.0882