Fiadanana (Rija Rasolondraibe)

Hahatsiaro anao isan'andro anie aho
Rehefa mihaona amin'ny Ray
Mba ho ampy ho anao ny hifona
Hiahy, hampitony
N'aiza n'aiza misy anao.

Dia ho vavolombelon'ny heriny
Hizarazara hery vaovao
Dia ho fanasin'ny tany
Hitondra ny hazavany ianao
Haneran'izao tontolo izao.
Tontolo izao.......

Ref:
Fiadanana anie ho aminao
Ho feno ny fanahy hijoro sahy
Fiadanana anie ho herinao
Homba anao amin'izay atao. (x2)

Ilay làlana sy fahamarinana anie
Hitombo isan'andro ao am-ponao
Mba ho fanasin'ny tany
Hitondra ny hazavany ianao
Haneran'izao tontolo izao.

Dia ny fahazavanao ho heriko
Ny fivavako antoky ny fonao
Dia mba ho samy ho tafita
Samy ho vonona isika
Amin'ny andro hiverenany indray
Amin'izay.........

Ref:
Fiadanana anie ho aminao
Ho feno ny fanahy hijoro sahy
Fiadanana anie ho herinao
Homba anao amin'izay atao. (x2)

Homba anao amin'izay atao! (x2)
--------