Soa (Rija Ramanantoanina)

Soa fa nisy hirifiry
Mampangovitra, mangitsy
Mitondra ahy, ho eny aminao
Mafana eo aminao !

Soa fa nisy koa fanala
Vao maraina, rehefa hariva
Nitazona ahy
Hijanona eo ambany tafonao !

Fa isan’andro aho hivavaka,
Hahita anton-dia iray
Ahazoako mifanatrika aminao foana e…
Dia satriko ho ririnina
Hamirifiry lava arahin’erika
Matetika ny andro ety !

Anton-dia daholo ireo fa
Na mafana aza ny andro
Rehefa tsy eo ianao, mangatsiaka aho !
Mafana eo aminao.
--------