Izy (Rija Ramanantoanina)

Lasa  fomba fanaony ny mitan-takolaka
Dia nandefa ny sainy hamaky ny aizina
Te-hiangavy ny kintana hindrana volana
Mba hitondra ny fony, hitondra azy handeha.

Izy niangavy kintana hivatsy izay zakany
Izy niantso ny volana hibata ny vatany
Izy maniry handeha, fa tsy afaka mandeha
Ranomaso no setrin’ireo faniriany.

Lasa fomban’ny olona fomba isan’andro
Ny manao azy ho solom-pamataran’andro
Rehefa injay misitrika ny masoandro
D’efa iny izy eo an-tokonana eo.
Ny fiainany indray misitery tsy fantatra
Tsy mba misy ny iray an-tanàna ka namany;
Izy toa tsisy feo, eo an-tokonana eo
Ranomaso no lasa fanampin’anarany.

Fa izy ‘lay nilaozan’ilay tiany izay nandeha fa leo
Izay nandeha fa leon’ny fiainana niainany,
Mangatsiaka toa fanala “raha oharina “
Fa izy ! lay nolavin’ny rehetra hiaraka aminy
‘lay nandà koa ny tontolo mba ho namany
izy te handeha mialoha fa :
tia hangina hatreo !
--------