Fivavako (Rija Ramanantoanina)

(Nalaina tao amin'ny tononkira.serasera.org)
Malomaloka endrika eny ianao indraindray
Nisy ranomaso kely koa toa ho ao
Vitsivitsy teny toa mitokatokana
Mandà lanonana, manjary miavona.
Nisy aza moa indray andro izay
Teny amoron-kady ianao no hitanay
Saika hanampy iray ireo efa lasana
Hameno fasana, handao ny ety.

Fa nalavom-pitia izaho hoy ianao:
Ka kivy dia kivy
Tsy te-hiaina intsony, ny ampitsoko maloka
Aleoko tsy sainina.
Fa namboly fitia tanatin’ny tsilo
Na dia sasa-poana niandry azy haniry
K’izaho indray no voatsindrontsindrona
Nandraiky narary

Kanefa avia hoy ianao dia
Iraho ilay volàna
Hitsena ny ampitsonao mihiratra
Taratr’ilay masoandro
Avia aty hoy ianao dia
Antsoy ireo kintana
Hamerina indray ireo tsikinao
Ary hamaky haizina

Soa nisy namana toa anao
Soa nisy tànana nandray ahy
Fa raha ny saiko no hampariko
Dia efa levona, izay momba ahy
Tsiaro nanarin-dia
Zary nofinofy irony taloha,
Noho ireo tononkira
Namboarinao ho ahy ; ho fiononako
Nanjary fivavako !

Dia ho rariny ve
Raha olona iray tanatin’ny arivo
No ndeha hanimba ny ampitsoko
Mbola tafarina
Saika tsy ninoako
--------
Rohy:
Hametraka hevitra
Midira aloha
Momba ny hira
Mpihira : Rija Ramanantoanina
Vangy : 6157
Mpankafy : 0 Ankafizo
Nampiditra :
Daty : 06/09/2002 11:00
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.1562