Feo miantso (feat Taratry ny Mazava) (Rija Ramanantoanina)

(Nalaina tao amin'ny tononkira.serasera.org)
Njay misy feo miantso reko
Toa feo miangavy mora hoe
Atolory ahy izay entanao
Zakaiko koa ny hasasaranao.

Feo mahalala izay ilaiko
Mahita izay adin-tsaiko
Feo te hizara izay ao am-po
Fitiavana ahy tsy mba roa.

Tompo ô! Ny antsonao no reko
Fony izaho mbola tsy nino
Dia nataoko tao am-babeko
Izay mihatra mila hamolaka ahy.
Saingy izao miditra ao am-poko
Ilay fitia natolotrao ho ahy
Nampitony sento toloko
Foana teo ny hasasarako am-panahy.

..................

Moa ve ny entanao rehetra
Sy izay mandreran-tsaina anao
Efa natolotra an'i Jesoa
Izy maniry ho namanao.

Ny vesatry ny ferin'aina
Ny loza manjo rehetra
Ny ahiahy tebitebim-po
Omeo azy avokoa!

Dia hialao amin'izay ireo sento
F'efa tojo famonjena
Matokia ny fiainanao ento
Manontolo ho eo an-tanany.

Mandodona ao am-po ilay feony
Dia fitia tsy mba voafetra
Hasambarana no omeny
Misy Zoky manampy antsika anie!

Oh oh oh oh oh!!! Oh oh oh oh oh ooo....!!!
--------
Rohy:
Hametraka hevitra
Midira aloha
Momba ny hira
Mpihira : Rija Ramanantoanina
Vangy : 1197
Mpankafy : 0 Ankafizo
Nampiditra : christophe17
Daty : 11/01/2021 22:31
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0736