Tao anatin'ny tolona (Ny Sakelidalana)

(Nalaina tao amin'ny tononkira.serasera.org)
Fa tao anaty haizim-pito
Nandrenesana antsoantso
Feo nikiaka, nikiaka fahafahana e
No injao manakoako
Ren’ny tany, nanako eran-danitra e
Ny kotroky ny basy
Nefa tsy kivy, tsy kivy, tsy kivy tsy niato
Ireo Malagasy mpitolona

Fa tao anaty haizim-pito
Nisy rà nipatrapatraka
Ny fahafahany mantsy nozahany e
Madio mangatsakatsaka
Nefa rà mikoriana namonto itony tany e no setrin’izany
Fa tanam-polo ihany no hany fiadiany
Hahatomombana izay notakiany

Fa indry ery andanitra avo ilay masoandro e
Miparasa-tara-pahafahana ireo lavo
Efa samy ravo ny fanahin’ireo maritiora mifaly
Ny todin’ny rà niombonana mantsy e
Tsy azo takonana intsony
--------
Rohy:
Hametraka hevitra
Midira aloha
Momba ny hira
Mpihira : Ny Sakelidalana
Vangy : 2291
Mpankafy : 0 Ankafizo
Nampiditra : hery
Daty : 27/06/2020 08:40
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.4118