LANITRA MANGA (Naly Rakotofiringa)

Nahoana no misy ny lanitra manga
Hilalaovan’ny rahona manangasanga
Nahoana no misy ny alina tony
Hamirapiratan’ny volana eny ambony

Nahoana, nahoana ny tany no feno hoso-doko
Ravahin-tsahondra sy felan’avoko
Nahoana no misy ny rano an’ony
Nahoana no misy ny hazo mamony

Raha fantatrao ny mampisy an’ireny
Kalo mangina fa tsy mba miteny
Bitsika moana sy hira miloko
Sary mivaingana natao hindram-peo
Raha fantatrao ny mampisy an’ireo
Dia ho fantatrao ny antsan’ny foko
--------