Tonga ihany aho (MIckael)

TONGA IHANY AHO

Tonga ihany aho,
Na dia kely tokinaina
Fo tafita no antenaina,
tonga ihany aho.

Tonga ihany aho
Sanatria tsy hampiasa loha
Entina hambabo fo
Fa tsotra ihany aho

Tonga ihany aho
Na dia vahobahotra aza
Sakodiavatra hilaza,
Hanazava

Tonga ihany aho
Tsy hampidera tapitrisa
Na hampanofy paradisa,
hampandry hadrisa

Tia anao aho dia tonga
Tsy nikajy izay fomba
hoentiko handresen-dahatra anao
Tsisy fiara hisekoana
na saranga hisehoana
ny ambony toy ireo manan-katao
Na dia hoe mikaviavia
Tsy manadala sanatria
Fa tena tia, tena tia, tena tia
Na ho eny, na tsia
Dia mba mankaty
Raha toa ilain-dry

Tonga ihany aho
Na dia be ireo nanankiana
Hoe tsy alehany aho tsy izy
Tonga ihany aho (tonga aho)

Tonga ihany aho
N’iza n’iza hikakakaka
Hahita ahy hiambakavaka
Tonga ihany aho (tonga aho)

Tonga ihany aho
Tsotra akanjo aho tsy nipaozy
Tsy nanaraka lamaody
Fa dia tsotra aho

Tonga ihany aho
Na dia fotsiny aza hoe
Hahita anao aho dia andeha
Tonga ihany aho.

Tia anao aho dia tonga
Tsy nikajy izay fomba
hoentiko handresen-dahatra anao
Tsisy fiara hisekoana
na saranga hisehoana
ny ambony toy ireo manan-katao
Na dia hoe mikaviavia
Tsy manadala sanatria
Fa tena tia, tena tia, tena tia
Na ho eny, na tsia
Dia mba mankaty
Raha toa ilain-dry

MICKAEL
--------