Zaza Sary (Mahaleo)

Raha niaraka niriorio izaho
Sy ny hafaliako
Tany lavitra any, tany an’efitra any
Fa inona no niandry ahy tany

Foana toa tsy nisy ny hafaliana
Nahare ity feo mahavariana
Zaza mitomany, zaza mitomany
Izany no nanaitra ahy tany

Ka nijanona aho, nierikerika
Sanganehana aho, nitoditodika
Oh, oh, oh, aiza re izany zazakely izany
No avelan’ny reniny hitomany

Io trano haolo, nefa toa tsy haolo indray
Noho ity zazakely ao
Zazakely iray e, toa tsy manan-dray
Narian-dreniny izay sahisahy

Izany angamba tsy sitraponao
Fa voatery, voatery natao
Nefa eritrereto sy diniho ange
Mba saino kely sy hevero re

MAHALEO
--------