Sento (Mahaleo)

Handeha hanohy irery ny lalan’ny fiainana aho izany
Na dia efa reraka aza, na kivy ambony ihany
Hono ho’aho ry lahy mba mety miverina va
Ireo masoandro maty sy ireo tsiky ny lasa

Manjombona lava izato lanitr’ô
Toa folakandro ririnina tsy vaky masoandro ô
Ravinkazo nentin’ny onja aho
Jamba very dia ka mitalaho

Mba henoy ity sento ity ry Dada sy Neny ô
Aloka sisa hono ianareo
Nefa toa mbola eo anilako eo

Mba henoy (...) mbola eo anilako eo

Handeha hanohy irery ny lalan-kodiavina aho mantsy
Na very olon-tiana aza, na ts’isy mpanampy
Fa kamboty nahita ny ngidin’ny fiainana
No sisa tavela tamin’ireo namana

Izaho anie ka tsy mila ny sentonareo
Ireo famindram-po atsaharo hatreo
Fitiavana hitantana no atolory
Fa io anie no maha ory

Mba henoy (...) mbola eo anilako eo (2)

MAHALEO (Bekoto)
--------