Ny lasantsika (Mahaleo)

(Nalaina tao amin'ny tononkira.serasera.org)
Ny lasantsika tsy hay hofafana
Tsy mety mangatsiaka fa tadidiko mazana
Ireo safosafo sy angolangola
Namela afo tsy mety tola

Toa tsy tantin’ny saina ny mieritreritra fa
Ianao ilay nolalaina mitampify an-tratran’olon-kafa
Ireo teny mamiko naverinao ho azy
Hay izy ireny tamiko mbola vazivazy

Izaho no namafy, ny hafa no nijinja
Izao indray no niafy fa nilaozanao nifindra
Natao lamba tonta aho, natsipy toa rovi-damba
Zary natontatonta,lany tsirony angamba

Ilay vatanao mangovitra raha tojo hafaliana
Ny ambany miovitrovitra, tsara karakaran’olon-tiana
Ny rangotrangotrao tratra hafa no ratrainy
Reo antsoantsonao, ny molotrao notsenainy

Tsy ilay nisolo toerana no ankahalaiko
Fitia tsy azo ferana, ny fahavaloko hajaiko
Fa ianao kosa mbola antenaiko
Mbola tsy afa-trosa, izaho ve dia hiala maina


(Dadah)
--------
Rohy:
Hametraka hevitra
Midira aloha
Momba ny hira
Mpihira : Mahaleo
Vangy : 12906
Mpankafy : 0 Ankafizo
Nampiditra : Ramasomanana Rindra
Daty : 16/01/2002 16:07
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0125