Fa izaho sy ianao (Mage 4)

Fa izaho sy ianao

Na dia hoe tsy mbola tazany aza
Ny hazavana nandrandrainy omaly
Izy ireo niatrika lava
Fahantrana, zioga sy ny jaly

Hany anjaran’izy ireo
Ilay fanantenana
Fa ho sambatra izy ireo
Any andro iray

Fa izaho sy ianao
Hifanome tanana indray
Ho fanoherana
Ny aizina sy kitroka mianjady
Fa izaho sy ianao
Ny feo no asandratra ho iray
Fifandeferana
Hiaraka hihira mba ho azy

Izay natao nahatsemboka omaly
Ny anio mbola hiverina
Inona indray ny ho entin’ny ampitso
Fa ny androany nadreraka vao azo

Hany anjaran’izy ireo…..
Mage 4
--------