Hisy raha hiseho mahagaga (Les Adeline)

(Hisy raha hiseho mahagaga, ho avy tsy ho ela Jesosy Mpanjaka
Hitsimbadika ambony ambany ny tantara
Fa ho avy hamonjy ny olony Jesosy Mpanjaka.) x2

IeJesosy Tompo Tompo dia nampanantena
F’izay rehetra mino Azy, no ho vonjena
Ny fahantrana iainantsika ho faranany
Ny fahoriana be mianjady ho foanany e.
Ianao mitebiteby sy mitaintaina, efa sasatra miandry, mitaraina
Mahereza, mahatanjaha, aoka hanantena, efa hidina ny Tompo, hitondra famonjena.

Ie Ho foana ny adiady sy ny korontana, na ara-politika na ara-pinoana
Mirindra tsara ny fiaraha-monina, ireo mpifandrafy aza, indreo fa miombona e !
Ny tany handry fahalemana, rava ny adim-poko sy ny fitiavan-tena
Ny tsy fahamarinana, tsindry hazo lena, hotonga ny Tompo hanafaka ny firenena

Ny Tompontsika tsy manao ronono an-tavy,na sanatria kabary ambony vavahady
Jesosy Tompo tsy manao kobaka am-bava, na sanatria mpitari-bato vilam-bava
Andriamanitra tsy mba olona ka handainga
Na sanatria zank’olombelona Izy ka hanenina
Rehefa niteny Izy di ahefainy, ary rehefa nilaza Izy dia hotoaviny
Moa ka tsy izany va, marina izany !!!
--------