MPIVAROTRA KANKANA (LEFONA)

                                              

1. Raha  mba  miakatra  Iarivo  Ramano
    Hatoroko  toerana  raha  mba  hitsirika  hoa.
    Avaratr’i  garan’ ilay  Soarano
    No  misy  ny  dobon’ ilay  Behoririka  hoa.

                         Mandehana  ianao  mba  mankeny
                         Fa  tsy  ho  ela  akory  dia  hisy  mpisakana  hoa.
                         Tsy  inona  akory  ireny  olona  ireny
                         Fa  mpitady  vola  mivarotra  kankana  hoa.

Kankana,  kankana,  kankana,  kankana
             Raha  ny  fivelomana  mafy  ny  ady
Kankana…
             Tsy  andro  asabotsy,  tsy  andro  alahady.
Kankana…
             Tsy  kivy  mihitsy  aho  rehefa  mitady
Kankana…
             Fa  kankana  dia  mahavelona  vady.
Kankana…
             Inona  zato  mamory  vahoaka?
Kankana…
            Ariary  zato  ny  dimy  kapoaka.
Kankana…
          Trondro  vaventy  no  hatao  ndray  mifaoka
Kankana…
          Herinandro  manindritra  mihinana  laoka.

2. ‘Reo  ny  mpanjono  mifamezivezy
    Miaramividy  amin’ ny  mpitsangatsangana  hoa.
    Mpitondra  fiara  manao  kôrtezy
    Roapolo  kapoaka  tsy  misy  mihangana  hoa.

                          Tazako  nandalo  teo  koa  i  Rondro
                          Nitsikitsiky  nivimbina  fintana  ery.
                          ‘Ngamba  ho  voky  mihitsy  ny  trondro
                          Raha  sendra  mahazo ’ty  kankana  betsaka  ity

Kankana,  kankana,  kankana,  kankana
               Ny  sasany  lava  mikirazorazo
Kankana…
               Mitovy  refy  amin’ ny  rambom-boalavo .
Kankana…
               Ireo  kankanjila  no  vaventy  indrindra
Kankana…
               Sady  tsy  manana  areti-mifindra

3. Tsy  misy  asa  ratsy  f’ izao  no  modely
    Satria  ny  fiainana  mantsy  dia  lafo.
    Andeha  isika  ry  mademôzely
    Hivarotra  kankana  roa  maharitr’ afo.

                 Tezitra  angamba  ianao  amin’ izany  an
                 Nefa  atao  ahoana  fa  mba  mandefera!
                 Ady  hono  mantsy  ny  fiainana  an-tany
                 F’ izay  fisa-kibo  tsy  maintsy  mianjera.

Kankana,  kankana,  kankana,  kankana
             Etsy  tantanako  mademôzely
Kankana…
             Andeha  isika  hivarotra  kankana  kely!
Kankana…
            Gaga  mihitsy  ny  ao  Analakely
Kankana…
            Mivarotra  kankana  hatramin ’ny  anjely  ô ô ! ! !   (4x)


                                                                                                LEFONA
--------