Dada (LEFONA)

Mama ô,  mama ô,  jereo  ange  !
Iry  dada  ô,  manao  jôba  e  !

1.  Marina  aloha  fa  tsy  vazivazy
     Nisy  madama  nanaraka  azy
     Vao  eo  izy  mantsy  no  tao  an-trano
     Toa  hafahafa,  toa  mamomamo
     Tao  am-bilany  tsy  nisy  laoka
     Lasan’ i  dada  indray  mikaoka
     Vao  tazany  i  Zisy  dia  lasa  izy
     Navela  hitakiky  zahay  ankizy

               Réf.    Mama  ô,  mama  ô                                     )
                         Lasan’ i  Zisy  ny  dadantsika                       )  2x
                         Mama  ô,  mama  ô                                     )
                         Tsy  misy  mpitrotro  aho  ka  mangatsiaka. )

2.  Tazako  i  dada  indray  hariva
     Tao  an - tanàna  nanivatsiva
     Nanaraka  làlana  miholankolana
     Lasa  any  an - trano  nitonatonana
     Dada  amin’ izany  efa  jobojobo
     Nanaraka toerana  lobolobo
     Torahako  vato  ka  saika  voa
     Vaky  nirifatra  izy  roa.

3.  Adinony  hatramin’ ny  nametra - bola
     Hividianana  vary  sy  alikola
     Kanefa  ny  tongotro  be  darosy
     Mitady  hivadika  tetanosy
     Vary  ao  an - trano  tsy  misy  intsony
     Manjary  mihohoka  hatramin’ ny  gony
     i  Mama  ary  ve  tsy  mba  malahelo
     Nefa  ny  foko  mamelovelo.
--------