LASAN-DAVITRA (Laurent RAKOTOMAMONJY)

https://tononkira.serasera.org/hira/laurent-rakotomamonjy/lasan-davitra

Lasan-davitra any tokoa izany saiko
Toa mahita havoana iray tena lalaiko
Isaky ny mba mijery iny tendrombohitra iny
Mampatsiahy ireo lasanao fahiny

Zany foko he toa vonton’alahelo
Toa mahita hazo fijaliana telo
Iny tendrombohitra iny raha tazanina avy ety
Dia toy ilay Kalvary

Fa Ianao no ilay
FAMONJENA anay
Andrinay sy Tokinay

Isaky ny voasamboaravoaran’ny onja
Ny fiainako na vetivety monja
Dia tsaroako Ianao JESO miteny ny onjan-drano be hoe :
" MITSAHARA ARY MITONIA "

Teo dia tony nitononkira.serasera.orgaraka tamin’izay
Ny herin’ilay onjan-drano nampanahy
Ka nisononoka mora ilay lakana nitondra
Saika safotr’onja

Fa Ianao no ilay
KAPITENINAY
Andrinay sy Tokinay

Isaky ny ravoravo izany saiko
Ny hionona amin’izao dia toa tsy ho haiko
Raha tsy miantso ny Anaranao hanampy ahy
Sao sembanin’ny fakam-panahy

Indrindra moa raha misy fahoria-midona
Ianao no avy hatrany dia tsaroana
Fa toa reko Ianao miteny hoe :
" ITY NY TANAKO AVIA ,
FA IZAHO NO MPAMONJY TIA "

Fa Ianao no ilay
FIFALIANAY
Andrinay sy Tokinay

Hametraka hevitra

Midira aloha

Mpihira : Laurent RAKOTOMAMONJY
Mpamaky : 3309
Mpakafy : 0 Ankafizo
Nampidirin'i :
Tamin'ny : 10/05/2007 20:20:19
ID : 4411

Tondrom-peo

Hampiditra tondrompeo