Alina (Lalatiana)

Alina indray… Alina mangatsiaka ny aty hatrizay.
Fa adino izany
Rehefa tamy ny nofy soa.

Alina indray… Mitamberina an-tsaina ny niainana teo :
Ny zava-bita, ny rehetra hita, ny feo

Io alina io, no hampandry ny fo
Ny hasasàrana ho adino
Satria efa mino fa rehefa hifoha,
Ho hery vao, aina soa no azonao
Ka na kivy ny saina, tsy andry ery ny maraina,
Maraina vaovao…

Dia lasa indray…
Toy ny omaly ny androany fa feno ny loha… 2
Lasa vinany, rahoviana ihany vao ho alina…

F’io alina io, no hampandry ny fo
Ny hasasàrana ho adino
Satria efa mino fa rehefa hifoha,
Ho hery vao, aina soa no azonao
Ka na kivy ny saina, tsy andry ery ny maraina,
Maraina … vaovao…

No irina, mba hanaovana izay tiana,
Mba hitondra hafaliana…
Hiandry ny alina
Alina…alina izao ny andro
Mody indray ny masoandro…
Alina… alina…
--------
Rohy: https://tononkira.serasera.org/hira/lalatiana/alina
Hametraka hevitra
Midira aloha
Momba ny hira
Mpihira : Lalatiana
Vangy : 15014
Mpankafy : 0 Ankafizo
Nampiditra :
Daty : 06/09/2002 11:17
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2022 - page load 0.1197