You are here: home > Tononkira > Ifanihy

Randran-tsy foy (Ifanihy)

Tiako eny tiako ary mbola hovazoiko eto indray,
Ilay tao-volon’ny andriambavilanitra avy any aminay,
Eo ho eo ihany raha toa ka atao indray mijery,
Fa raha zohina dia mifono hatsarana miery.

Soritra tsotra, vakitampona mahitsihitsy,
Avy ao andaniny roa nisintonana lahiny vitsy,
Ireo no navoina rehefa samy voarandrana tsara,
Roa anoloana ary roa ihany koa ao afara.

Randran-tsy foy dongon’efatra manja anie zany,
Dia ilay tao-volo tranainy sy randran’ny ntaolo fa mbola eny ihany,
Tsy vitan’izay hoe harena sy lovasoa,
Fa dia maneva ny andritononkira.serasera.orgambavilanitra koa.
Randran-tsy foy dongon’efatra mbola tsy niova,
Fa dia hatramizao ka hatramin’izay hita amin’ny sary tahiry eny an-drova
Tsora ka tsara maotimaotina ery,
Ka nanoratako ity  hira ity.


Tsy mba hahitana irony ravaka mirentirenty,
Manaitaitra izay ts’izy fa hohadinonao vetivety,
Meva ankehitriny, soa anie e, tsara androany,
Fa ho hadinodino rahampitso dia rahampitso ihany.

Mbola hafa e, lay tsy be be filirony firy,
Taratr’ilay fahendren’ny razana tsara tahiry,
Zary mateza dia mateza tsy tontan’ny ela,
Nandova koa raha nandova ny zaza navela.

Hametraka hevitra

Midira aloha

Mpihira : Ifanihy
Mpamaky : 1712
Mpakafy : 0 Ankafizo
Nampidirin'i : ikalamako
Tamin'ny : 17/11/2013 00:19:02
ID : 6409

Henoina (sombiny)

Sombiny ihany aloha no henonao eto fa azonao alahatra ao amin'ny RadioVazoGasy

Alaharo ao amin'ny RadioVazoGasy

Sokajy

Tondrom-peo

Hampiditra tondrompeo