You are here: home > Tononkira > Ifanihy

Ambatofotsy gara (Ifanihy)

https://tononkira.serasera.org/hira/ifanihy/ambatofotsy-gara

An-dalana ny fiara
mankany mankany
Ambatofotsy gara
no tanjona androany
   Maredona milay
   ireo vazo sy ny hira
   ary ilay sôferanay
   mitira dia mitira
Vetivety foana
dia afaka ny lalana
adino tsy tsaroana
izay poritra te-hivalana
  zary tsy re intsony
  ireo antsoantso taloha
  ilay hoe ajanony
  fa ny olombelo-tsy akoho
Dia tonga soa aman-tsara e
endrey ny hafaliana
fa Ambatofotsy gara
no toerana itodiana
  Tsy misy andraso andraso
  ny fety aman-dalao
  fa avy dia alefaso
  izay tokony hatao

Baolina ny ady
nilamaka ny bozaka
fa ry zalahy tomady
no indreo manenja-kozatra
  F’izaho ilay osaosa
  sy nalemilemy ranjo
  ery antsisi-tosy aho
  no miambina ny akanjo
Ireto ampela soa
ery anaty rano
miangavy an-tanandroa hoe
avia mba hilomano
  F’izaho izay vato alatsaka
  no nanao hoe aoka aloha
  sadaikatra aho sadaikatra aho
  ny hanala pataloha
Ifonako zavavy ô
fa aza dia terena
izaho mora manavy
marary aho raha vao lena
  Na ny eny ambony kanja
  na ny eny anaty rano
  ekeko fa samy manja
  f’izaho tononkira.serasera.orgizao mbola kamo

Ireo hafa dia nanasa
mba hiaraka hitelina
ilay rano tsy fisasa
fa rano mahadomelina
  Minitra vitsy monja aho
  dia fanina nisavily
  nanonja dia nanonja
  ilay eran’ny kapisily
Nalefa ny kasety
dia raikitra ny bal
betsaka ny fety hoy aho
fa ity vao tena lalina
  Ny tena môsimôsy
  tsy mahay mandihy
  ampio aho re Jesôsy ô
  fa tsy misy hoatr’ty
Manahirana ahy
ilay haka partinera
aleo aho aleo angaha
hanao ôperatera
  Avy eo aho dia hidila
  hijoro etsy am-pidirana
  hisava tapakila
  hitandro filaminana

Ireo sasany moa
dia niandahy niambavy
nadeha tsiroaroa
ho ery ambodi-goavy
  nitady toera-mangina
  sy tsy maro mpizaha
  ho solon’ny fandriana
  zay tsisy tety an-tsaha
niakanjo ravi-tseva
nisatroka mimôza
de hoe adama sy eva aho e
Jane sy Tarzan
  F’izato izaho kosa
  nanao hoe alaviro
  ny tena moa kanosa
  ka aleoko nitan-jiro

Sahalahala ami’zay
ny amin’ilay tantara
any ianao ka any ô
ry Ambatofotsy gara ô
  Zavatra ankiray
  no aoka dia ho tsorina
  inay aho mba nahay
  izay fanaon’ny olona

Hevitra mandeha

haja4 (12/08/2015 08:56:17)

mahafinaritra ny famoronana e.tohizo fa miandry zava-baovao foana izahay mpakafy.

Tohiny

Hametraka hevitra

Midira aloha

Mpihira : Ifanihy
Mpamaky : 6263
Mpakafy : 0 Ankafizo
Nampidirin'i :
Tamin'ny : 30/06/2007 09:06:55
ID : 4544