Ny hira (Henri Ratsimbazafy)

(Nalaina tao amin'ny tononkira.serasera.org)
Hirahira no aoka hatao resadresaka
fa lazaina ho manana endriny betsaka,
fa na aiza na aiza eto ambonin’ny tany
dia tsy maintsy ahitana izany hoe hira izany.


Na lanonana izany na.hoe fahoriana,
ao ihany ny hira fa tsy azo ariana,
fa ny reny mampiasa azy raha ampatory
ireo menaky ny ainy sembanin’ny sory !


Fa ny hira dia manana hery tsy hita
ka mitondra ny vetson’ny fo hiampita
mba haneho fitiavana sy fanirina
amin’olona iray natokana sy nofidiana.


Fa ny hira tsy mahay mifidy antoko,
Eny, tsy mba hainy ny manavaka foko,
ka ny hira kaloin’ny mainty any ho any,
dia vetsoin’ny fotsy raha sendra ka tiany izany.


Io no teny iray iraisam-pirenena,

tsy mifidy na mainty na fotsy na mena,
ka raha misy hiira iray azony ikambanana
dia hiray ny feo ary hifandray ny tanana.



Henri RATSIMBAZAFY 1966
--------
Rohy:
Hametraka hevitra
Midira aloha
Momba ny hira
Mpihira : Henri Ratsimbazafy
Vangy : 2612
Mpankafy : 0 Ankafizo
Nampiditra :
Daty : 24/02/2002 20:30
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0731