RATRA ANATY (Hantatiana)

RATRA ANATY
Olona hafa noho ny rehetra va ianao
Satria sady vato nasondrotry ny tany
No trafo izay nasondrotry ny nofo ihany koa
Ka mihevi-tena ho tsy manam-paharoa.
Izay rehetra ataonao toa mety avokoa tokoa
Anananao ny harena, ny laza ihany koa
Saingy nahoana anefa ianao no maratra anaty
Vao voakihana dia ito tsy mahatanty.

Fiv: Fanetren-tena e: io no harena izay miafina
Ny fahendrena ao aminy ihany no tarafina
Fanetren-tena e: no tian’ny Tompo asandratra
Na manana ianao na ory ho sambatra.

Mahatsiaro tena ho ambany foana va ianao
Hany ka resy tsy miady amin’izay atao
Izay rehetra vitanao anenenana avokoa
Ny zava-dratsy no hitanao fa tsy ny soa.
Izay rehetra ataonao toa maty momoka avokoa
Takon’ny olanao ny herin’ilay Tsitoha
Mandavan-taona ianao dia indro maratra anaty
Vao voakihana dia ito tsy mahatanty.
HANTATIANA
(Ndriana Ramamonjy)
--------