MASINDAHY JACQUES BERTHIEU (Groupe MANRESE)

1- Masindahy Jacques Berthieu, misionera nahery fo,
Nandao ny fianakaviany sy ny tanindrazany.
Masindahy Jacques Berthieu, nitory an’i Jesoa,
Nanolo-tena tokoa ho an’ny Malagasy.
Omeo fon’apostoly, izahay zanakao,
Hanohy ny asa izay natombokao tety
Amin’ny Nosinay.

Fiv : HEREZO IZAHAY HITANA SY HANDALINA
NY FINOANA MARINA. (in-2)

2- Masindahy Jacques Berthieu, ‘lay pretra nahery fo,
Nitety lohasaha, tsy nahalala sasatra.
Masindahy Jacques Berthieu, nikoizana tokoa,
Tamin’ny fanaovan-tsoa an’ireo mahantra.
Ankininay aminao ‘ty Nosy maminay,
Handresy ny fahantrana sy ireo tsy rariny,
Handroso fehizay.

3- Masindahy Jacques Berthieu, martiry nahery fo,
Nanolotra ny ainy noho ny finoana.
Masindahy Jacques Berthieu, nisotro ny “aleoko maty”
Niaraka tamin’i Jesoa, mba ho anay.
Hamasino izahay sy ny fianakavianay,
Ka ny rà nafoinao hampamokatra ny voa,
Sarobidy ho anay tokoa.
--------
Rohy: https://tononkira.serasera.org/hira/groupe-manrese/masindahy-jacques-berthieu
Hametraka hevitra
Midira aloha
Momba ny hira
Mpihira : Groupe MANRESE
Vangy : 1517
Mpankafy : 0 Ankafizo
Nampiditra : gm10
Daty : 06/01/2015 14:19
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2022 - page load 0.0661